O fútbol na galega!!

Hoxe, 19 de agosto de 2009, xogarase o primeiro partido de Champions na TVG.
A Champions estréase na galega ás 20:45 co encontro que se disputará en Atenas entre o Panathinaikos e o Atlético de Madrid.
O partido tamén poderase ver por internet dende a páxina www.crtvg.es.
Dende o blog esperamos que todos os afeccionados a este deporte disfruten ás 20:45 do primeiro partido desta competición retransmitido na galega.
Agora xa non hai excusas para non ver a TVG, temos os mellores debuxos (xabarín club), o mellor concurso (cifras e letras), as mellores series (walker, rex, etc), as mellores películas (cinema noite) e agora tamén... o mellor fútbol (zona champions).

Cincocentos!!

Despois de dous meses e cinco días de vida, o noso benquerido galegómetro chegou por fin á cifra máxica, a ese número que ninguén é capaz de nomear, aos cincocentos galeg@s.
Ao igual que cando chegamos aos 50 galeg@s, gustaríame agradecer a todas as persoas que visitachedes o blog o voso apoio que é o motivo polo cal seguimos traballando no produto dun día falando "in inglish".
Para rematar con isto dos cincocentos aquí vai un vídeo do xabarín máis famoso de Galicia, no que se reflicte á perfección a ilusión que temos agora que chegamos a esta marabillosa cifra á que tanto nos custou chegar e co que esperamos conseguir que sigades con nos.

Canción adicada a un XENIO

Esta canción fala dun dos moitos triunfadores nacidos na "Nosa Terra", Alexandre de Fisterra, o inventor do futbolín.

Galicia é unica!!

Canta razón, hai cousas que só se poden dicir en galego.
Nas próximas vacacións: TODOS A GALICIA!!

OS RESENTIDOS - Galicia Canibal (na TVG)

En galego tamén se poden facer boas cancións...
Viva a música en galego!!

O buscador dos galegos

Galegos, dende hai un tempo dispoñemos dun buscador feito por xente coma nós e para nosoutros. Un buscador sinxelo pero efectivo, que concentra as súas búsquedas nas páxinas escritas na nosa lingua, facilitando así atopar resultados en galego.

Dende a direción do blog animámosvos a utilizalo e contribuír así á expansión da nosa lingua na rede, ademais de para apoiar a unha gran iniciativa. Está claro, os galegos estamos afeitos a solucionar os problemas mediante grandes ideas.

Aforremos 2€ !!!

Segundo informa o xornal "La Voz de Galicia", un estudo realizado pola Federación de Usuarios-Consumidores Independentes (FUCI) prevé que Galicia sexa a segunda comunidade autónoma que menos vai gastar de media por habitante durante as rebaixas de verán, 81€. Os únicos que nos impiden ser os primeiros na lista son Cantabria, que gastará o mesmo, e Extremadura, que gastará 1 € menos, 80€. Por iso, pídovos a todos os que vivides en Galicia que aforredes 2€ e os gastedes no cine.

Isto é un escándalo Pereira!!

Tras unha longa deliberación, decanteime por falares desta emblemática serie da nosa cultura nestas últimas décadas. porque, quen non se lembra de Miro Pereira? ese gran hosteleiro, cun talento innato na cociña con receitas tan saborosas e exclusivas coma o café sen café, que levava mondas de pataca(moito máis nutritivo, que enriquece corpo e mente), os seus bocatas de xamón sen xamón(o aire engorda menos), tódolos pensamentos deste ilustre personaxe de infinita sabedoría e os descabelados plans xunto con Antón Santos para intentar fuxir do traballo ou gañar cartos cuns métodos "moi ortodoxos".

Ao cine por 2€ !!!

Os próximos 21, 22 e 23 de xuño, celébrase "A Festa do Cine". Durante estes días, todas aquelas persoas que vaian o domingo 21 ó cine, nunha das salas nas que se celebre este acontecemento, recibiran un pasaporte co que poderan mercar as entradas de todas as sesións que queiran, dos días antes citados(domingo incluído), por só 2€ cada unha. Non hai truco, as películas son as mesmas que habería nun día normal e o prezo é... moito máis millor.

Fauna galega (I)

Galegos, hoxe comezamos unha nova serie de entradas, esta vez dirixidas a un dos nosos bens máis prezados: a nosa fauna.

Aínda que non o pareza, o noso país é moi variado no que a fauna se refire, e toda esa diversidade animal e vexetal non debe quedar no anonimato, o que pasará nunhas poucas xeracións se non o evitamos. Que pasará se a diversidade da nosa terra non é apenas coñecida? Moi sinxelo, amigos, que será ignorada e acabará desaparecendo.

E, así, sen máis preámbulos, comezamos co primeiro animal desta serie: o can de palleiro.

O can de palleiro é un animal autóctono de Galicia e único: non existen dous iguais. Por que é isto?, vos preguntaredes. É simple, o can de palleiro é unha mistura entre outras razas destes animais (sen importar cal sexa), polo que a cantidade de combinacións posibles é enorme. Se a isto lle engadimos que eses cans de palleiro poden ter outros (denominados da mesma forma, obviamente), as combinacións son infinitas.

Así, hai cans de palleiro para tódolos gustos. Por un lado, temos o típico can pequeno pero intelixente, que son usados normalmente como compañía por parte de persoas de idade avanzada; estes especimes son moi áxiles e non dubidan en defender ó seu dono e ós que o rodean (pese ao seu tamaño, para que vexades a súa fidelidade). Por outro lado, temos o típico can grande e de aspecto fero, pero en realidade é un anaco de pan por dentro. Estes animais serven como unha forma de botar ós intrusos das nosas casas e evitar que entren, aínda que a maioría sin incapaces de matar a unha mosca.

E isto, amigos, foi todo por hoxe. Espero que aprenderades unha boa lección e sexades conscientes da importancia destes pequenos (ou grandes) animais, ignorados por moitos pero cunha gran función propia da súa raza: protexernos e acompañarnos. Lembrade que a fidelidade dun can non se mide do "pidighrí", se non que se mide pola súa actitude, así que é recomendable que adoptedes (ou vos regalen, todo é válido) a un destes especímes típicamente galegos antes que mercar unha desas razas modernas e estranxeiras que lle pretenden quitar o posto ó carón da lareira ós nosos queridos cans de palleiro.

Lembrade, galegos, el nunca o faría.

O NENO GALEGO (the Galician kid)

Fernando Torres

Ainda que naceu en Fuenlabrada, unha vila situada ao sur de Madrid, pode ser considerado un galego, xa que a familia do seu pai era de Gastrar, unha pequena aldea do Concello de Boqueixón (A Coruña) , onde pasou as súas vacacións durante a súa nenez. Se isto non vos chega, tamén a súa moza é galega, xa sei que non ten moito que ver pero algho e algho. O importante é que é galego e é moi bó carallo.

Por se non quedaba claro

Futbolistas hai moitos pero cervexas só hai unha. Estrella Galicia, con moita diferenza está boísima